Athletic Eguna antolatuko da Usansolon ekainaren 3an
TESTUA: Irati Alonso García
ARGAZKIA: Usansolo Gure Herria Athletic Peñaren sareetatik
Usansolo Gure Herria Athletic Peñak Athletic Eguna antolatuko du ekainaren 3an. Besteak beste, trikipoteoa, bazkaria eta mus txapelketa izango dira egunean zehar. Albiste honetan batu dugu egitarau osoa.
Beste urte batez, Usansolo Gure Herria Athletic Peñak Athletic Eguna antolatuko du. Oraingoan ekainaren 3an izango da eta egitarau zabala prestatu dute zale zurigorriek Usansoloko auzokideekin batera gozatzeko.
Eguna 10:00etan hasiko dute plazaren prestaketarekin. Ondoren, hamaiketakoa egingo dute eta 12:30ean trikipoteoa hasiko da. Ordu horretan ere hasiko dira txikientzako jolasak.
Eguerdian bazkaria egingo dute 15:00etan eta hau amaitzean oparien zozketa antolatuko dute. Jarraian, mus, igela eta bingo txapelketak hasiko dira. Honen ostean lehiaketetako sariak banatuko dituzte.
Ekitaldian parte hartzeko beharrezkoa da aurretik izena ematea eta maiatzaren 24an eta 26an egin daiteke Orfeoiko lokalean, 19:00etatik 20:00etara.
Bazkideen artean 20 euroko prezioa izango du nagusientzat eta 10 txikientzat. Gainontzeko nagusiek ordea 25 euro ordaindu beharko dituzte, eta umeek 13.
