Jon Gordillo II. Memoriala antolatuko dute zapatuan Galdakaon

TESTUA: Irati Alonso García
ARGAZKIA: Jon Gordillo Memorialaren antolatzaileak

Jon Gordillo petanka jokalari zenaren memorialaren bigarren edizioa antolatuko dute zapatuan Galdakaoko skate parkean. Lehiaketa 9:30ean hasiko da eta sariak banatuko dira bost onenen artean.

Galdakaon zaletasun handia du petankak eta hein handi batean Jon Gordillo galdakoztar zenak kirol honen hedapenean egin zuen lanari esker da. Hainbatek kirol hau ezagutzen dute berarengatik, bai herrian eta baita inguruetan ere.

Lan hau aldarrikatu eta galdakoztarra omentzeko helburuz, pasa den urtean Jon Gordillo Memoriala antolatu zuten Galdakaon eta zapatuan bigarren edizioa egingo dute.

Txapelketa skate parkean izango da 9:30ean eta 60 jokalari arituko dira gehienez. Sariak banatuko dituzte bost onenen artean eta «sari sorpresa» gehiago izango direla azaldu dute antolakuntzatik.

Informazio gehiago eskuratu daiteke 666136815 eta 661255494 telefono zenbakietan.