Galdakaoko anbulatorioak ordutegia egokituko du udan

TESTUA: Irati Alonso García
ARGAZKIA: Galdakaoko Udala

Osakidetzak ezagutzera eman du udan lehen mailako arretako osasun-zentroetako ordutegiak egokituko dituela. Galdakaoko anbulatorioaren kasuan uztailaren 10etik irailaren 15era bitarte 8:00etatik 17:00etara egongo da zabalik.

Urtero bezala, udan Osakidetzak lehen mailako arretako osasun-zentroetako ordutegiak egokituko ditu. Helburua «zerbitzuaren mantentzea zein Euskadiko anbulatorioetako profesionalen atsedena bermatzea» da eta aldakortasuna dela eta, Osasun Zerbitzuak zentro bakoitzean kontsultatzea gomendatu du.

Galdakaoren kasuan anbulatorioak uztailaren 10etik irailaren 15era bitarte arte goizeko 8:00etatik arratsaldeko 17:00etara arte zabaltzea aurreikusita dago. «Zentroak zabalik egongo diren orduetatik kanpo, osasun-laguntza bermatuta egongo da Osakidetzan, Etengabeko Arretako Guneetan», azaldu dute Osakidetzatik.

Informazio gehiago ezagutu daiteke Osakidetzaren webgunean, anbulatorioaren paneletan eta informazio-karteletan.