IRUDIAK | Galdakao Txirrindulari Elkarteko Gelak txoko berezia izan zuen Tourrean

TESTUA: Irati Alonso García
IRUDIAK: Itziar Lejarreta

Igor Antonek koordinatzen duen Galdakao Txirrindulari Elkartearen Gelako hainbat kide Elorritxuetako maldan batu ziren pasa den zapatuan Frantziako Tourra ikusi eta txirrindularitzaz gozatzeko. Gelatik bidalitako irudiak batu ditugu eta ondoko albistean erakutsi nahi dizkizuegu.

Zapatuan, uztailak 1, Bilbon hasi eta bukatu zen Frantziako Tourraren aurtengo edizioaren lehen etapa. Bizkaiko hainbat herri igaro ziren txirrindulariak, tartean Galdakaotik ere. Binkek jaso zuen moduan, hainbat eta hainbat herritar batu ziren Elorritxuetako maldan goi mailako txirrindulariak ikusteko.

Ikusleen artean talde berezi bat egon zen ordea: Galdakao Txirrindulari Elkartearen Gela. Talde galdakoztarreko ume eta helduak Elorritxuetako maldan izan ziren, une honetarako bereziki prestatutako txokoan.

Goi mailako txirrindulariak animatu zituzten Elorritxuetatik igaro zirenean eta aurretik ere gozatzeko uneak izan zituzten, izan ere, bazkaria eta umeek bizikletaz aritzeko ibilbidea prestatu zuten.

Galdakao Txirrindulari Elkartearen Gelako Itziar Lejarretak hainbat irudi batu zituen egunean zehar eta hemen erakutsi nahi dizkizuegu.