Pirineoetara irteera antolatuko du Ganguren Mendi Taldeak asteburuan

TESTUA: Irati Alonso García
ARGAZKIA: Dzmitrock87

Ganguren Mendi Talde galdakoztarrak Pirineoetara irteera antolatuko du asteburuan. Zapatuan, urriak 28, abiatuko dira eta domekan Chipeta Alto (2.172 metro) mendia igoko dute. Hemen batu dugu ekintzan parte hartzeko jakin beharrekoa.

Hainbat ekintza antolatzen ditu urtean zehar Ganguren Mendi Talde galdakoztarrak. Besteak beste, pasa den barikuan Euskal Mendizaletasunaren Galaren XXVIII. edizioa antolatu zuen Torrezabal Kultur Etxean, zeinetan 2022ko EMF eta PYRENAICA sariak banatu ziren.

Asteburu honetan ordea mendira bueltatuko dira eta kasu honetan Pirineoetara irteera antolatuko dute. Zapatuan, urriak 28, abiatuko dira Galdakaoko udaletxetik 7:00etan eta domekan Chipeta Alto (2.172 metro) mendia igoko dute.

Ekintza honetan parte hartzeko ezinbestekoa da federatua egotea eta kranpoiak eta pioleta eramatea. Informazio gehiago ezagutu daiteke Ganguren Mendi Taldearen webgunean.