Txu-txu trena: gaur eta bihar Galdakaon, bihar Usansolon

TESTUA: Jon Gomez Garai
ARGAZKIA: Galdakaoko Udala

Gabonetako ohiko hitzordua izango dute galdakoztarrek eta usansolotarrek. Bi egunez, gaur eta bihar, Galdakaon ordu tarte desberdinetan eta bihar, hilak 27, Usansolon. Ordutegi zehatzak eta irteera puntuak ezagutzeko, segi albiste honetan.

Gu Dendari elkarteak beste urte batez antolatuta, abenduaren 26 eta 27an Txu-txu trena antolatu da kalez kale. Aipatutako bi egunetan Galdakaon izango da horretarako aukera, eta 27an Usansolon.

Galdakaon Kurtzeko plazatik, udaletxetik, irtengo da martitzen eta eguaztenean ordu tarte desberdinetan: 26an 12:00etatik 14:00etara bitarte eta 16:30etik 20:30era bitarte. Eguaztenean aldiz, 27an, 12:00etatik 14:00etara izango da trenean ibiltzeko tartea. Usansolon berriz 27an eskainiko da Gabonetako ohiko zerbitzua, Oletxe kaletik hasita, 16:30-20:30 ordu tartean.

Tiketak edozein komertzioetan lor daitezke, eta Galdakaoko Udalaren laguntza du dendari elkartearen ekimen honek.