Sagardotegira irteera antolatu du Lamintxuk apirilaren 27rako

TESTUA: Irati Alonso García
ARGAZKIA: Donostialde Turismo

Lamintxu Gazte Asanbladak Hernaniko Iparragirre Tolare sagardotegira irteera antolatu du apirilaren 27rako. Tiketak Usansolo Herria plataformaren lokalean erosi behar dira urtarrilaren 19an eta 20an, arratsaldez. Hemen batu dugu irteeran parte hartu nahi izatekotan jakin beharrekoa.

Gazteen arteko elkarbizitza sustatzeko helburuz, hainbat ekintza antolatu ohi ditu Lamintxu Gazte Asanblada usansolotarrak. Oraingoan sagardotegira irteera egiteko aukera eskainiko du apirilaren 27an.

Hernaniko Iparragirre Tolare sagardotegira joango dira eta tiketak erosteko Usansolo Herria plataformaren lokalean egin behar da bi urtarrilarren 19an 19:00etatik 20:00etara eta 20an 12:30etik 13:30era.

Tiketak 60 euroko prezioa du, menua eta autobusa barne, eta 55 eurokoa menu begetarianoa eskatzekotan. Autobusa apirilaren 27an irtengo da 11:00etan Usansoloko tren geltokitik eta 02.30ean izango da buelta.

Lamintxutik gazteak animatu dituzte parte hartzera eta tiketak erostera «amaitu baino lehen!».