ARGAZKIAK | Martxoaren 8ko aldarrikapenekin bat egin du Usansolok ere
TESTUA: Irati Alonso García
ARGAZKIAK: Peio Zamalloa
Usansolo ere batu da gaur, martxoak 8, ospatzen ari den Emakumeen Nazioarteko Egunera. Bilboko manifestaziora joan aurretik, hainbat lagun batu dira goizean aldarri feministekin herria apaintzeko eta han izan da BINKE irudi hauek batzeko.
Ohi denez, Emakumeen Nazioarteko Egunaren aldarrikapenekin bat egin du Usansolok. Horretarako, hamaika ekintza antolatu dituzte herriko talde feministek hurrengo egunetan zehar, BINKEk jaso zuenez.
Gaur, martxoaren 8an hain zuzen, Euskal Herriko Mugimendu Feministak Bilbon deitutako manifestaziora batzeko deia egin dute Usansoloko Talde Feministak eta Mirarik. Mobilizazioa 19:00etan izango da eta Usansolon 18:17ean trena hartuko dute.
Aurretik ordea, goizean, Emakumeen Nazioarteko Egunaren aldarriekin herria apaindu dute, Unkina plazatik hasita. Han izan da BINKE eta hemen batu ditugu ekintzaren irudi batzuk:
