‘Casting Lear’ obra hartuko du Torrezabalek, momentuan ezagutuko den aktore batekin
TESTUA: Irati Alonso García
ARGAZKIA: Lliure
Torrezabal Kultur Etxeak urteko lehen antzezlana hartuko du bihar, urtarrilak 17. Andrea Jimenezek Shakespearen ‘Lear’ obran oinarritutako ‘Casting Lear’ antzezlana eskainiko du, saioa hasi arte ezagutuko ez den beste aktore batekin batera.
Torrezabal Kultur Etxeak 23 ikuskizun hartuko ditu bihartik ekainera bitarte. Besteak beste, Gorka Urbizu, Anari, Galdakaoko Da Capo Musika Banda, Euskal Barrok Ensemble, Ana Goitia eta Antton Telleria arituko dira Galdakaon, BINKEk jaso zuen moduan.
Bihar, urtarrilak 17, izango da urteko lehen ikuskizuna Torrezabalen. Andrea Jimenezek Shakespearen ‘Lear’ obran oinarritutako ‘Casting Lear’ antzezlana eskainiko du.
Obrak aitatasuna, maitasuna, entzutea eta barkamena bezalako gaiak uztartuko ditu eta oholtzaren gainean ikuskizuna hasten den momentuan bertan ezagutu den beste aktore bat izango da Jimenezekin batera.
«Oso interesgarria da hain zuzen momentu horretan ezagutzea nor ikusiko dugun obra interpretatzen. Saio bakoitzean aktore ezberdin bat izaten da Jimenezekin batera eta Galdakaora denok ezagutuko du aktore bat etorriko da», azaldu zuen Katrin Schlegel Galdakaoko Udaleko kultura programatzaileak Torrezabaleko egitarau berri aurkeztean.
Antzezlana 20:00etan hasiko da eta sarrerak eskuragai daude ohiko webgunean.
