Galdakao Atletismo Taldeak domina bi lortu zituen Euskadiko Txapelketan
TESTUA: Irati Alonso García
ARGAZKIA: Galdakao Atletismo Taldea
Pasa den asteburuan Euskadiko Atletismo Txapelketa antolatu zen Donostian eta lehiaketan Galdakao Atletismo Taldeko zenbait kidek parte hartu zuten. Xabier Capetillok brontzezko domina lortu zuen kategoria absolutuan eta Ekaitz Urgoitik aldiz, zilarrezkoa 23 urte azpikoan.
Euskadiko Atletismo Txapelketa antolatu zen urtarrilaren 25 eta 26an Donostian eta lehiaketan hainbat klubek hartu zuen parte, haien artean, Galdakao Atletismo Taldeak.
Klub galdakoztarrak domina bi lortu zituen txapelketan, Xabier Capetillo eta Ekaitz Urgoitiren eskutik. Capetillo hirugarren izan zen kategoria absolutuan eta Urgoiti aldiz, bigarren 23 urte azpikoan.
Galdakao Atletismo Taldeko Ugaitz Aguadok, Unai Meridak eta Liher Solabarrietak ere parte hartu zuten txapelketan.
