Momoak taldeak hitzaldia antolatu du biharko, Torturaren Aurkako Egunaren harira

TESTUA: Irati Alonso García
ARGAZKIA: EEAS

Bihar, otsailak 13, Torturaren Aurkako Nazioarteko Eguna da eta honen harira hitzaldia antolatuko du Momoak talde feministak Torrezabalen. Saioan bi gogoeta hauek uztartuko dituzte: indarkeria matxista estatuen errepresiorako mekanismo gisa eta tortura Euskal Herrian genero ikuspegitik.

Urtean zehar hainbat ekintza antolatzen ditu Momoak izenez ezagutzen den Mozoilo Moreak talde feminista galdakoztarrak eta bihar, Torturaren Aurkako Nazioarteko Egunean, hitzaldia eskainiko du.

Saioa Torrezabal Kultur Etxeko 1. gelan izango da 19:00etan eta bi gogoeta hauek uztartuko dituzte: indarkeria matxista estatuen errepresiorako mekanismo gisa eta tortura Euskal Herrian genero ikuspegitik.

«Ostegunean zita garrantzitsua duzu. Egiten eta eragiten jarraitu dezagun», adierazi du taldeak sareetatik.