Kultura
BINKE / 2022ko maiatza

Gaur zabalduko da Maximo Moreno Musika Eskolan matrikulatzeko epea

TESTUA: Naia Bergaretxe Sarria
ARGAZKIA: Google Earth

Gaur, astelehena, maiatzak 9, zabalduko da Galdakaoko Musika Eskolan matrikulatzeko epea eta maiatzaren 27ra arte egongo da zabalik. Hemen batu ditu Binkek eskaintzaren inguruko informazioa eta izena emateko jakin beharreko guztiak.

Maximo Moreno Musika Eskolak gaur, astelehena, maiatzak 9, zabalduko du 2022/2023 ikasturterako matrikulatzeko epea eta maiatzaren 27ra arte egongo da zabalik. Hurrengo ikasturterako interesatuta egotekotan bi aukera daude; alde batetik, presentzialki ematea izena, eta bestetik, telematikoki egitea www.galdakao.eus/musika-eskola helbidean.

Presentzialki egiteko, eskolara bertara joan beharko da —Urreta kalea 21—, eta matrikulatzeko ordutegia ondoko hau izango da:

Astelehenetan: 11:00 – 14:00 eta 16:00 – 19:00
Martitzenetan: 09:00 – 14:00
Eguaztenetan: 09:00 – 14:00
Eguenetan: 11:00 – 14:00 eta 16:00 – 19:00
Barikuetan: 09:00 – 14:00

Maximo Moreno Musika Eskolak lau ikasketa maila eskaintzen ditu, lehen harremanetik trebatze mailara arte, non 5 urteko haurrak —urte naturalean beteta— eta adin horretatik gorakoak matrikulatu daitezken.

Eskolak tailerrak ere eskaintzen ditu, hala nagusientzat —14 urtetik gorakoak— nola bigarren maila gaindituta duen ororentzat. Tailerren artean errefortsu klaseak ere eskaintzen dira, kontserbatoriorako sarbide probak prestatu nahi dituztenentzat. Horrez gain, abesbatzan eta hezkuntza bereziko musika gelan parte hartzeko aukera ere badago.

Usansolon aurrez aurreko klaseak jasotzeko aukera dago, baina horretarako interesa duenak eskolan bertan, telefonoz edo korreoz eskatu beharko du informazioa.

Informaziorako kontaktua
94 601 04 55
musikaeskola@galdakao.eus
Urreta kalea 21, Galdakao
www.galdakao.eus/musika-eskola