Politika
BINKE / 2022ko maiatza

Bea Ilardiak ez du EH Bilduren Bizkaiko zerrendaburu izateko hautagaitza errepikatuko

TESTUA: Erredakzioa
ARGAZKIA: Bea Ilardiaren sareetatik

Gaur eguerdian eman du erabakiaren berri: Bea Ilardia politikari galdakoztarrak ez du errepikatuko EH Bilduren Bizkaiko zerrendaburu izateko hautagaitzan. Mezu honen bidez eman du horren berri.

Bea Ilardiak ez du errepikatuko datorren legegintzaldian EH Bilduren Bizkaiko zerrendaburu. Hala komunikatu du berak bere sareen bitartez gaur, maiatzak 26, eguerdi aldera.

Bizkaiko Batzar Nagusietako zerrendaburu izatera «erabaki kolektibo ta pertsonal batek» eraman zuela gogoratuta, orain «hausnarketa pertsonalak» hautagaitza hori ez errepikatzera daramala adierazi du bere argazkiarekin batera publiko egin duen idatzi laburrak.

Hala ere, EH Bildun «ilusio beragaz jarraitzeko prest» dagoela esanez amaitu du, eta «zuon ahotsa izateko aukeragatik» eskertuta agertu da politikari galdakoztarra, EH Bildu Bizkaiako ordezkari izan aurretik Galdakaoko Udalean koalizio bereko zinegotzi izan dena.