Adinekoei zuzendutako hiru ekintza antolatuko ditu Galdakaoko Udalak urtarrilean
TESTUA: Irati Alonso García
ARGAZKIA: Inguru
Galdakaoko Udalak adinekoei zuzendutako bost ekintza antolatuko ditu urtarrilean. Hitzordu guztietan parte hartzeko beharrezkoa da aurretik izena ematea eta hemen batu dugu horretarako jakin beharrekoa.
Zahartze aktibo eta osasungarriago bat sustatzeko helburuz, herriko adinekoei zuzendutako ekintzak antolatzen ditu Galdakaoko Udalak urtean zehar. Hilabete honetarako zehazki, hiru prestatu ditu:
- Urtarrilak 14, 15, eta 16: irteera kulturala Bilboko Arkeologi Museora, ‘Neandertalak mendebaldeko pirineotan’ erakusketa ikustera. Txangoak euskaraz (urtarrilak 14) eta gazteleraz (urtarrilak 15 eta 16) izango dira. Guztietan hitzordua metrorako lanzaderaren geltokian izango da, 15:00etan. Talde bakoitzeko gehienezko pertsona kopurua 12koa izango da. Izen ematea urtarrilaren 10ean hasiko da.
- Urtarrilaren 20tik aurrera: biodantza tailerra. Izena hilaren 13tik aurrera eman ahal izango da. Guztira, 10 saio emango ditu Miriam Larrakoetxea irakasleak Etxea Anaitasunan. Klaseak urtarrila eta martxoa artean izango dira, astelehenetan, 16:30etik 18:00etara.
- Urtarrilak 30, eguena: mendi ibilbidea: Muskiz-Pobal-Bentorro-Muskiz. Izen ematea beharrezkoa da eta urtarrilaren 20tik aurrera egiteko aukera egongo da. Gehienez 30 lagunek izango dute ibilbidea egiteko aukera.
Proposatutako jarduera guztietan, izena emateko lehen egunean, arreta ordutegia 08:00etatik 13:30era izango da; gainerako egunetan, Adinekoen Dinamizatzeko Zerbitzuaren bulego ordutegia 10:00etatik 13:30era izango da astelehenetik barikura, eta eguenetan 16:00etatik 18:00etara. Pertsona bakoitzeko gehienez bi inskripzio onartuko dira jarduera guztietan.
