Adiskide Pilota Elkartea aspaldiko argazki eta oroitzapen zaharren bila dabil
TESTUA: Irati Alonso García
ARGAZKIA: Adiskide Pilota Elkartea
Adiskide Pilota Elkarteak 50 urte beteko ditu 2025ean eta urteurrena ospatzeko hainbat ekintza antolatuko ditu. Besteak beste, erakusketa bat egiteko asmoa dute eta horretarako aspaldiko argazki eta oroitzapen bila dabiltza herritarren artean.
Urte berezia izango da 2025 Adiskide Pilota Elkarte galdakoztarrarentzat, izan ere, 50 urte beteko ditu. Urteurrena ospatzeko pilotaz haratago doazen hainbat ekintza antolatuko dituzte eta hauetako bat erakusketa bat izango da.
Erakusketa honetan aspaldiko argazki eta oroitzapenak batu nahi dituzte eta horretarako herritarrei eskatu diete etxean dituzten irudi eta objektuak (txapelak, kopak, kamisetak…) elkarteari helarazteko.
Horretarako adiskidepelota@gmail.com helbidera idatzi, 646074054 telefonora deitu edo frontoira zuzenean gerturatu daiteke.
