Adiskidek 50. urteurrenaren logotipoa aurkeztu zuen Gabonetako Sozial Txapelketan
TESTUA: Irati Alonso García
ARGAZKIA: Adiskide Pilota Elkartea
Abenduaren 27an Gabonetako Sozial Txapelketa antolatu zuen Adiskide Pilota Elkateak Kurtzeko frontoian eta honetan taldeko gaztetxoenek «jokoz eta giro onez» bete zuten pilotalekua. Halaber, aurten ospatzen dabilen 50. urteurrenaren logotipoa aurkeztu zuen elkarteak.
Urtea modu «ezinhobean» amaitu zuen Adiskide Pilota Elkarteak. Abenduaren 27an urtero antolatu ohi duen Gabonetako Sozial Txapelketa egin zuen Kurtzea pilotalekuan, eta honetan dozenaka kidek parte hartu zuten.
Gaztetxoenek «jokoz eta giro onez» bete zuten frontoia eta ‘Hator, Hator’ kantatu zuten bertaratu zirenekin batera.
Bestalde, 50. urteurrena ospatzen ari da aurten elkartea eta honetarako bereziki sortutako logotipoa aurkeztu zuten hitzorduan. «Urte mamitsua izango da 2025 elkartearentzat. 50 urte betetzen ditugu eta hainbat ekitaldia pentsatuta ditugu ospakizun horretarako», adierazi dute elkartetik.
