Argizai Eskaut Taldeak gazte trukea egin du Portugalekin
TESTUA: Irati Alonso García
ARGAZKIA: Argizai Eskaut Taldea
Argizai Eskaut Taldeak gazte trukea egin du aurten ere, kasu honetan Portugalekin. Hango gazteak pasa den astean heldu ziren Galdakaora eta barikuan harrera egin zieten udaletxean. Galdakoztarrak uztailaren 12tik 17ra joango dira Portugalera.
Duela zortzi urte hasi ziren ekimenarekin eta aurten ere Argizai Eskaut Taldeak gazte trukea antolatu du. Oraingoan Portugalekin egin dute eta hango gazteak pasa den astean heldu ziren Galdakaora. Harrera egin zieten barikuan udaletxean, ongi-etorria emanez.
Bihar arte izango dira Galdakaon hamahiru gazteak eta egun hauetan zehar euskal lurraldea eta tradizioak ezagutzeko hainbat ekintza egingo dituzte.
Hilaren 12an aldiz galdakoztarrak abiatuko dira Portugaleko Chaves herrira eta 16ra arte izango dira han. Argizai Eskaut Taldeko hamahiru gaztek eta bi begiralek egingo dute bidaia.
