Beste kotxe batek su hartu du bart Galdakaon
TESTUA: Irati Alonso García
ARGAZKIA: Bizkaiko Suhiltzaileak
Domeka goizean kotxe batek Plazakoetxen su hartu ostean, beste auto batek su hartu zuen bart Ergoien auzoan. Kotxea aparkatuta zegoen eta ezbeharrak ez zuen trafikoan ezta pertsonengan eraginik izan.
Geldirik zegoen kotxe batek su hartu zuen Plazakoetxen domeka goizean. Bizkaiko Suhiltzaileak bertaratu ziren istripuaren lekura eta sua amatatu zuten, BINKEk jaso zuen moduan.
Bart aldiz, beste kotxe batek su hartu zuen Ergoien auzoan, Bizkaiko Suhiltzaileek jakinarazi zutenez.
Galdakaoko Udaltzaingoak BINKEri ziurtatu dio autoa aparkatuta zegoela eta, sutea zerk eragin zuen oraindik ez badakite ere, ezbeharrak ez duela trafikoan ezta pertsonengan eraginik izan.
