Bizkaiko Foru Aldundiak kudeatuko du zergen kobrantza Usansolon

TESTUA ETA ARGAZKIA: Irati Alonso García

Uztailaren 18an osoko bilkura antolatu zuen Usansoloko kudeaketa batzordeak eta honetan, besteak beste, zergen kobrantza Bizkaiko Foru Aldundiak kudeatzea onartu zuten alderdiek.

Usansoloko kudeaketa batzordeak osoko bilkura antolatu zuen pasa den eguenean, uztailak 18, Txapelena baserrian. Honetan, hainbat izan ziren alderdiek izan zituzten eztabaidagaiak.

Besteak beste, Usansoloko erdigunean Metro geltokia eskatzeko adierazpen instituzionala onartu zuten, BINKEk jaso zuen moduan.

Halaber, Bizkaiko Foru Aldundiarekin bi akordio sinatzea adostu zuen Usansoloko kudeaketa batzordeak. Batetik, Aldundiak Usansolon zergen kobrantza kudeatzeko hitzarmena, oso handiak ez diren udaletan ohikoa dena.

Bestetik, osoko bilkuran Bizkaiko Foru Aldundiarekin beste itun bat onartu zen, kasu honetan udalerriko hondakinen tratamenduari eragiten diona. Honi esker hondakinak baimendutako zabortegietan utzi ahal izango ditu Usansolok.