Jaia
BINKE / 2022ko maiatza

Asentzioko jaiak maiatzaren 27tik aurrera ospatuko dira Bekean

TESTUA: Erredakzioa
ARGAZKIA: Bekeako Jai Batzordea, 2009

Bueltan dira Bekeako Asentzioak ere, maiatzaren 27tik 29ra bitarte ospatuko direnak ohikoa zaigun egitarauarekin. Horren berri eman du Bekeako Jai Batzordeak, eta hementxe batu du Binkek egunez egunekoa.

Bekea auzoko jaiak, Asentziokoak, datorren maiatzaren 27tik aurrera ospatuko dira, eta Bekeako Jai Batzordeak ondoko egitaraua prestatu du asteburu horretarako. Baina gainera, ekainaren 12an Lasai Eguna ere ospatuko dute.

Hemen batu dugu egunez eguneko egitaraua:

Maiatzak 27, barikua
Txikien Txoko Txukuna
18:00. Txipli-Txapla-Pum! kalejira
«Andra Mari Txiki» dantza-dantzari
18:30. Iñakiren oroimenez eskupilota partidak
Adiskide Pilota Elkartea

Maiatzak 28, zapatua
Auzokoen Eguna
13:00. Proiektorean auzoko bideo ikusgarria
Ostean, luntxa
18:00. VI. Euskal Artzain Txakur erakusketa
Artxaten

Maiatzak 29, domeka
Asentzio Eguna
09:00. Mendi ibilaldia
Bekelarre-Basozabal-Arteta-Isisi-Usansolo-Bekea
Ganguren Mendi Taldea
12:00. Meza nagusia
12:00. Dantza erakustaldia
Galdakaoko Txistulariak
Andra Mari Dantza Taldea
15:00. Herri bazkaria
Bertsolariak: Arkaitz Estiballez eta lagunak
Etxebarria Aita-seme Trikitilari erromeria
21:00. Jaien amaiera
Azken biribilketa

Ekainak 12, domeka
Lasai Eguna – Txakoli Eguna
13:00. Eskerrak laguntzaileei
Txakoli dastamena