EGITARAUA | Bizikleta martxa eta herri bazkaria antolatu ditu Ibilaldiak martxoaren 15erako
TESTUA: Irati Alonso García
ARGAZKIA: Ander Elordui
Eguzkibegi Ikastolak aurtengo Ibilaldia antolatuko du maiatzaren 25ean eta horren aurretik hainbat ekintza prestatu ditu motorrak berotzeko. Martxoaren 15ean egun osoko egitaraua antolatuko dute, bizikleta martxa, herri bazkaria eta kontzertuarekin, besteak beste.
Bigarrenez hartuko du Ibilaldia jaia Galdakaok. Lehenengo edizioa 2009ko maiatzaren 31n antolatu zuen Eguzkibegi Ikastolak, eta bigarrena aurtengo maiatzaren 25ean egingo du. Data horretarako atzera kontaketa ofiziala otsailaren 21ean hasi zuten, Torrezabal Kultur Etxean egindako ekitaldian.
Bertan aurkeztu zituzten 2025eko Ibilaldiaren abestia eta bideoklipa. Abestiaren doinua Oxabik jarri du eta letra aldiz, horretarako propio batu zen Eguzkibegiko ikasle talde batek egin du, BINKEk jaso zuen moduan.
Aurkezpen honen ostean, motorrak berotzen jarraitzen dute maiatzaren 25a baino lehen eta egiteko honetan jai berezia ospatuko dute martxoaren 15ean, egun osoko egitarauarekin. Bizikleta martxa, herri bazkaria eta kontzertua antolatu dituzte, besteak beste.
Hemen batu dugu egitarau osoa:
09:00 1. Bizikleta martxa Kurtzeko plazatik (8-14 urte)
11:00 2. Bizikleta martxa Kurtzeko plazatik (14 urtetik gora)
12:00 Mantagorri tailerra, Eguzkibegi Ikastolan
14:30 Herri bazkaria, Eguzkibegi Ikastolan
17:30 Hodei magoa, Eguzkibegi Ikastolan
19:00 Muxutruk erromeria, Eguzkibegi Ikastolan
Bazkarirako tiketak Ibilaldiako dendan eta ikastolako idazkaritzan eskuragarri daude 15 eurotan.
