EGITARAUA | Usansoloko IX. Gazte Eguna apirilaren 5ean ospatuko da
TESTUA: Irati Alonso García
ARGAZKIA: Peio Zamalloa
Gazte Egunaren bederatzigarren edizioa ospatuko du Usansolok apirilaren 5ean, Lamintxu Gazte Asanbladaren eskutik. Besteak beste, musika saioak eta herri bazkaria antolatu dituzte egun horretarako eta hemen batu dugu egitarau osoa.
Urtero egin ohi duenez, Gazte Eguna ospatuko du Usansolok apirilaren 5ean. Lamintxu Gazte Asanbladak antolatuko du berriz bederatzigarren edizio hau eta egitarau zabala prestatu du egun osorako. Hemen batu dugu egitarau osoa:
13:09 Poteo-musikatua
15:09 Bazkaria
16:39 Bazkalostea
18:29 Sakatu elektrotxaranga
22:09 Kontzertuak: Oinutsik erromeria eta DJ Puntz
Bazkarirako tiketak eskuragai daude Kuluxkan martxoaren 14tik 30era 12 euroko prezioan menu honekin: paella, postrea eta kopa. Menu vegeta eta zeliakoa eskatzeko aukera ere dago.
