Kultura
BINKE / 2022ko maiatza

Zapatu honetan ospatuko du 25. urteurrena Oinarin Dantzari Taldeak

TESTUA: Naia Bergaretxe Sarria
ARGAZKIA: Binke

Usansoloko Oinarin Dantzari Taldeak 25 urte beteko ditu ikasturte honetan eta urteurrena ospatzeko ekitaldi berezia antolatu dute zapatu honetarako, maiatzak 21, taldeko kideek. Hemen batu du Binkek egitaraua.

Zapatu honetan, maiatzak 21, Oinarin Dantzari Taldeak 25. urteurrena ospatzeko ekitaldi berezia antolatu du. Binkek argitaratu zuen bezala, helburu printzipala dantzari ohiak eta oraingo dantzariak elkartzea da, eta denok batera dantza ikuskizun bat eskaintzea. Horretarako, maiatzean zehar entsaiatzen ibili dira herritarrak.

Antolatzaileek Binkeri adierazi ziotenez, «asmoa egun osoan giroa sortzeko programa antolatzea da», eta hura oinarri hartuta, hauxe da astebururako prestatu duten egitaraua:

10:30. Gosaria
12:00. Kalejira herritik
12:30. Dantza ikuskizuna gaurko eta lehengo dantzariekin
13:30. Trikipoteoa Oinarin Dantzari Taldeko musikariekin
15:00. Bazkaria —nagusientzako eta umeentzako menua egongo da—
Nat eta Watson egongo dira bazkaria girotzen.
18:30. Oinarineko txaranga
21:30. Erruki erromeria
23:30. DJ Elias

Horrez gain, puzgarriak egongo dira egun osoan zehar ludotekako plazan.