Espaloia eraiki dute Bizkai kaleko haurreskolatik zebrabidera bitarte

TESTUA: Irati Alonso García
ARGAZKIA: Galdakaoko Udala

Haurren segurtasuna, erosotasuna eta irisgarritasuna hobetzeko helburuz, Galdakaoko Udalak espaloi berria eraiki du Bizkai kaleko haurreskolatik zebrabidera bitarte.

Galdakaoko Udalak espaloia eraiki du Bizkai kaleko haurreskolatik zebrabidera bitarte, «haurren segurtasuna, erosotasuna eta irisgarritasuna hobetzeko» helburuz. «Inguru hori oinezkoentzat seguruagoa izatea da asmoa» adierazi dute Udaletik.

Espaloia eraikitzeko obrek hilabete inguru iraun dute eta «zonalde horretako herritarren eskaerari erantzuna eman diote». «Izan ere, oso bide txikia zen eta apur bat hondatuta zegoen. Gainera, pibotez mugatuta zegoen errepidearen altuera berean», azaldu du Udalak.

Obra honen ondoren, datozen asteetan Urreta parkeko eremu asfaltatuan hasiko dira lanak. Bertan, espaloiaren zati bat hondoratu da, eta, gainera, espaloia ere pixka bat hondatuta zegoen. Udalaren esanetan, «esku-hartzea zoladura txikitzean datza, ondoren baldosa berriak jartzeko».