TESTUA: Irati Alonso García
ARGAZKIA: Laboral Kutxa Emakume Master Cup
Emakume Master Cuparen eskuz binakako elite partida bi hartu zituen Unkina pilotalekuak atzo, otsailak 4. Etxegarai-Gaminde bikoteak Garai-Osesen kontra irabazi zuen eta Beitia-Mendizabal bikoteak Uriarte-Capellan garaitu zuen.
Usansolotarrek lehen mailako pilotaz gozatzeko aukera izan zuten atzo Unkina pilotalekuan, izan ere, Laboral Kutxa Emakume Master Cuparen eskuz binakako elite partida bi hartu zituen frontoiak.
D multzoko lehen partida jokatu zuten Etxegarai–Gamindek eta Garai–Osesek eta lehen bikotea nagusitu zen 22-10. Beitia–Mendizabal izan zen arratsaldeko beste bikote irabazlea, Uriarte–Capellan 22-19 garaitu ostean.
Bestalde, gazte mailako beste bi partida interesgarri ere jokatu ziren Usansolon, Zarrabeitiak eta Urrutikoetxeak Monjeren eta Elorzaren kontra irabazi zuten; eta Galdosek eta Zelaiak Gomezen eta Sagarduiren aurka garaipena lortu zuten.
