Ezagutu Korrikaren lekukoak eta ibilbidea Usansolon
Euskara
BINKE / 2022ko apirila
Ezagutu Korrikaren lekukoak eta ibilbidea Usansolon
TESTUA: Naia Bergaretxe Sarria
ARGAZKIA: Gotzon Almaraz
Martxoaren 31n hasi zen 22. Korrika, apirilaren 1ean igaro zen Galdakaotik eta bihar igaroko da Usansolotik. Hemen batu ditu Binkek ibilbidea, kilometro bakoitzean lekukoa eramango duten taldeetako kideak eta aldaketen toki zehatzak.
Aurtengo Korrika apirilaren 1ean igaro zen Galdakaotik —Etxebarritik etorri eta Zornotzarantza joan zen— eta bihar, apirilaren 6an, pasatuko da Usansolotik —Bediatik sartu eta Larrabetzurantza joango da—.
22. Korrika Usansolora 16:10 aldera helduko da eta 19 taldek hartuko dute parte bertan, 10 puntutan banatuta bikoteka. Bediatik helduko da, Pertxin bidetik sartu, erdigunetik igaro eta Laminarrieta kaletik ospitalera igoko da, non Usansoloko taldeek lekukoa utziko duten.
Tarte bakoitza 270 metrokoa izango da —guztira 2,7 kilometro egingo dituzte Usansoloko taldeek—, eta hemen batu du Binkek puntu bakoitzean ze taldeko kidek hartuko duen lekukoa eta non hartuko duen zehazki:
Apirilak 6, 16:09
—1526 kilometrotik 1528 kilometrora—
1526 kilometroa
- Bediatik Usansolorako aldapan —Hiper Asia «bazarraren» parean: Mirari Emakume Elkarteko Aitziber Sagardui eta Gorosibai Auzoa Elkarteko Nerea Santos
- Gorosibaiko errotondan —sartu aurretik—: Gazteberriko Mikel Piko eta Usansolo Esku Pilotako Ibai Sanchez
- Astui bidean —Emakumeen plazaren parean—: Txoko Umore Onako Jabi Mena eta Ezker Abertzaleko Monika Mena
- Pertxin bidean —Torreondo jatetxearen parean—: Orfeoi taldeko Susana Maguregi eta Oinarin Dantza Taldeko Eihar Egia
- Ander Deuna kalean —Loteria saltokiaren parean—: Usansolo Herriko —UH— Karmelo Gutierrez eta U113 Triatloi Taldeko Mikel Atxutegi
1527 kilometroa
- Iturritxu eta Ibaiondo bidegurutzean —erreka alboan—: UJABAko Ixone Muñiz eta Lamintxu Gazte Asanbladako Madalen Barrenetxea
- Ander Deuna kalean —Eroski parean—: Usansolon Euskaraz taldearekin Olentzero
- Ander Deuna kalean —BM eta eliza parean—: Guraso Elkarteko —AMPA— Maren Iragorri eta Unkina Saskibaloi Taldeko Arene Santa Cruz
- Laminarrieta bidean —zubiaren aurreko zebrabidean—: Burtotza Mendi Taldeko Arkaitz Petralanda eta SD Umore Onako Ander Martin
- Labea taberna parean: Athletic Peñako Larraitz Bilbao eta Usgaldu Gaiteroen taldeko Iratxe Arrese
