Familia ugariei zuzendutako jardunaldi informatiboa antolatuko du Hirukidek Galdakaon

TESTUA: Irati Alonso García
ARGAZKIA: Goiberri

Hirukidek, Euskadiko Kide Ugariko Familien Elkarteen Federazioak, Galdakaoko familia ugariei informazioa eskaintzeko saioa antolatu du biharko, otsailak 6. Federazioko kideak Torrezabal Kultur Etxean izango dira egun osoan zehar.

Galdakaoko eta inguruko herrietako familia ugariei zuzendutako jardunaldia antolatu du biharko, otsailak 6, Hirukide Euskadiko Kide Ugariko Familien Elkarteen Federazioak. Federazioko kideak Torrezabal Kultur Etxean izango dira egun osoan zehar, ordutegi hauetan: 09:00 a 14:00 eta 15:00 a 18:00.

Hitzorduan, federazioak azaldu duenez, «Euskadin eta eskualdeko udalerri zehatzetan familia ugarientzat dauden zerbitzu eta jardueren, eskubide, laguntza eta hobari publikoen berri emango da, eta familiek modu pertsonalizatuan helarazten dituzten zalantza, iradokizun eta erreklamazioei erantzungo zaie».

Saiorako sarrera librea izango den arren, aldez aurretik hitzordua hartu ahal izango da formulario honen bitartez. Horrela, arreta jasotzeko orduan lehentasuna izango da, itxaronaldiak saihestuz.

Hirukide 2003az geroztik Eusko Jaurlaritzak Onura Publikoko Erakunde izendatu duen Gobernuz Kanpoko Erakunde bat da. Bere helburua familia ugarien kolektiboaren eskubideak defendatzea da, «bizitza politiko, instituzional, sozial, mediatiko eta enpresarialeko esparru guztietan».