Felix Albok ‘Pespuntes’ umore ikuskizuna eskainiko du Torrezabalen

TESTUA: Irati Alonso García
ARGAZKIA: Felix Alboren webgunetik

Felix Albok ‘Pespuntes’ ikuskizuna eskainiko du barikuan, urtarrilak 26, Torrezabal Kultur Etxeko erakusketa gelan. Emanaldian «umore landua, barregarria, zentzugabea, batzuetan garratza eta kritikoa» jorratuko du.

Torrezabal Kultur Etxeko areto nagusia hobetzeko egiten ari diren obren ondorioz, lekuz aldatu dira emanaldiak pasa den asteburutik aurrera. BINKEk jaso zuen moduan, zinema saioak Maximo Moreno Musika Eskolan eskaintzen ari dira eta ikuskizunak aldiz Torrezabaleko erakusketa gelan antolatzen ari dira.

Barikuan, urtarrilak 26, Felix Albo istorio kontalaria izango da Torrezabalen eta ‘Pespuntes’ ikuskizuna aurkeztuko du 20:00etan.

Emanaldian «umore landua, barregarria, zentzugabea, batzuetan garratza eta kritikoa, gustu txarrera, arruntera edo zakartasunera hurbiltzen ere ez dena» eskainiko du Albok.

Sarrerak eskuragai daude Torrezabalen eta webgunean 6 eta 8 euro arteko prezioan.