Gabonetako futbol txapelketa antolatuko dute Galdakaon
TESTUA: Irati Alonso García
ARGAZKIA: Pekic
Aurten ere Gabonetako futbol txapelketa antolatuko du Gazte Berpiztu taldeak Galdakaon. Abenduaren 28an izango da Elexalden eta izena emateko epe zabalik dago hilaren 12ra arte.
Hainbat ekintza antolatuko dira urtero moduan Gabonetan Galdakaon eta hauetako bat Gazte Berpizturen eskutik helduko da. Beste urte batez, Gabonetako futbol txapelketa antolatuko du taldeak.
Abenduaren 28an izango da Elexalden, 10:30etatik 14:30era eta izena emateko epea zabalik dago hilaren 12ra arte.
Denok futbolera jolasteko aukera izango da, denon artean arbitratuko dira partidak eta bukaeran pikoteo bat egongo da parte hartzaileentzako, antolatzaileek jakinarazi dutenez.
