Galdakao Dantz jaialdia apirilaren 5ean antolatuko da Torrezabal Kultur Etxean
TESTUA: Irati Alonso García
ARGAZKIA: Break On Stage
Torrezabal Kultur Etxeak Galdakao Dantz jaialdiaren edizio berria hartuko du apirilaren 5ean eta hitzordurako sarrerak salgai daude honezkero.
Apirilaren 5ean dantza urbano eta garaikideak taula gainera igoko dituen lehiaketa izaerako Galdakao Dantz jaialdia antolatuko da Torrezabal Kultur Etxean. Kategoria bi izango ditu lehiaketak: junior kategoria (15 urtetik beherakoen dantza koreografiak) eta kategoria absolutua (16 urtetik gorakoenak).
Kategoria bakoitzeko talde irabazleek, diruz saritzeaz gain, maiatzaren 17an Barakaldon egingo den Break On Stage jaialdian parte hartzeko aukera izango dute.
Jaialdia bi saiotan banatuko da: 16:00etan junior kategoria eta 19:00etan kategoria absolutua. Sarrerak eskuragai daude honezkero Udalaren webgunean eta Torrezabal Kultur Etxeko leihatilan, 5 euroren truke.
