Galdakao Futbol Taldeak San Mamesen jokatuko du partida bat
TESTUA: Irati Alonso García
ARGAZKIA: Athletic Club
Athletic Cluben zelaian, San Mamesen, behintzat partida bat jokatzeko aukera izango dute Galdakao Futbol Taldeko gaztetxoek. Zein txapelketaren baitan izango den jakin nahi?
Athletic Clubek hirugarren urtez jarraian antolatuko du haur eta gaztetxoei zuzendutako AC txapelketa ekainaren 3tik 8ra. Pasa den urtean bezala, hainbat egoitza izango ditu lehiaketaren lehenengo faseak, eta bi Galdakaoko Santa Barbara eta Elexalde futbol zelaiak izango dira, BINKEk jaso zuen moduan.
San Mames izango da beste egoitzetako bat eta AC txapelketan izena eman duten lehen 30 taldeek han behintzat partida bat jokatzeko aukera izango dute, txapelketaren lehen fasearen baitan.
Talde hauetako bat Galdakao Futbol Taldea da eta horrenbestez, klub galdakoztarreko gaztetxoek San Mamesen partida bat jokatuko dute.
