Galdakao Futboleko B taldeak Bizkaiko Lehen Mailara igoera lortu du
TESTUA: Irati Alonso García
ARGAZKIA: Galdakao Futbol Taldea
Galdakao Futboleko B taldeak Bizkaiko Lehen Mailara igoera lortu du eta gaur, maiatzak 18, ospatuko du herritarrekin batera. Partida jokatuko dute Santa Barbaran 15:30ean eta ostean kamioi batean ibilbidea egingo dute herrian zehar.
Galdakao Futboleko B taldeak bigarren postua lortu du Bizkaiko Bigarren Mailako bigarren multzoan, Loiola Indautxuren atzetik 61 punturekin geratu ostean bi jardunaldiren faltan. Honi esker, Bizkaiko Lehen Mailan jokatuko dute hurrengo urtean.
Igoera gaur, maiatzak 18, ospatuko du taldeak. Partida jokatuko dute Santa Barbaran 15:30ean Paduraren kontra eta ostean, 17:45ean, zelaitik kamioia irtengo da jokalariekin.
18:15ean aldiz, Iñigo Hernando alkateak harrera egingo die udaletxean eta ibilbidearen ostean, jai giroan murgilduko dira Basoa Tabernan 23:00etan.
Taldetik parte hartzera deitu dituzte galdakotarrak: «Etor zaitezte zuen taldea animatzera! Aurten bai Galdakao!».
