Galdakao Txirrindulari Elkarteak aurtengo denboraldia aurkeztu zuen, kadete talde berriarekin

TESTUA: Irati Alonso García
ARGAZKIA: Galdakao Txirrindulari Elkartea

Pasa den zapatuan, martxoak 8, Galdakao Txirrindulari Elkarteak bere denboraldia berria aurkeztu zuen Torrezabal Kultur Etxean. Hitzorduan talde osoa batu zen eta aurtengo erronka berriak azaldu zituzten.

Galdakao Txirrindulari Elkarteak denboraldi berriari ekin dio eta pasan den zapatuan, martxoak 8, egin zuen aurkezpena. Hitzordua Torrezabal Kultur Etxean izan zen eta elkarteko kide guztiak batu ziren, babesle eta Galdakaoko Udaleko ordezkariekin batera, tartean Asier Korta Kirol zinegotziarekin.

Elkartearen presidente den Igor Antonek gidatu zuen ekitaldia eta honek eta beste kide batzuek klubaren lau atalen erronka berriak azaldu zituzten. Zikloturismo eta master taldeen berri eman zuten, eta kadete talde berriak sei kide izango dituela iragarri zuten.

Halaber, elkartearen atal nagusiak, Gelak, aurten 35 ume izango dituela adierazi zuten. «Hitzaldietan, irteeretan eta erronketan parte hartzeko aukera izango dute aurten ere», azaldu zuen Antonek.

‘Handbike’ dokumentala Youtuben ikusgai dagoela ezagutzera eman zuten ere eta soprestatxo bat utzi zuten amaierarako. Gelak abesti propioa izango duela iragarri zuten, oraindik argitaratzeko data zehazteke dagoen arren. «Polita izango da denboraldi hau», azaldu zuen Antonek, babesleen lana eskertuz.

Ramontxu txirrindulari profesional ohia eta Miguel Madariaga ere izan ziren ekitaldian eta «txirrindularitzaz dutem ikuspegia eta edozein diziplinatako kirol-heziketan funtsezkoak diren errespetu- eta dibertimendu-balioen garrantzia» konpartitu zituzten.