Galdakaoko txosnetako edalontzientzako diseinu berriaren bila dabiltza
TESTUA: Irati Alonso García
ARGAZKIA: Ibaizabal ST
Galdakaoko jaietan erabili ohi diren txosnetako edalontzientzako diseinu berriaren bila dabiltza. Proposamenak bidaltzeko epea zabalik dago honezkero eta ekainaren 18ra arte egin daiteke. Albiste honetan batu ditugu diseinuak bidaltzeko xehetasunak.
Jaietan erabili ohi diren edalontzien diseinua berritu nahi dute Galdakaon eta horretarako herritarren laguntza eskatu dute. Auzokideak izango dira diseinu berria egiteko arduradunak eta horretarako proposamenak bidaltzeko epea zabaldu dute.
Proposamenak galdakaokotxosnabatzordea@gmail.com helbidera bidali behar dira eta tamaina hau izan behar dute: 955×262 pixel.
Ekainaren 18ra arte bidali ahal dira diseinuak eta ondoren irabazlea iragarriko dute.
