Galdakaoko XII. Herri Krosean izena emateko epea zabalik dago
TESTUA: Irati Alonso García
ARGAZKIA: Jabi Rojo
Aurten ere Galdakaoko Herri Krosa antolatuko du Galdakao Atletismo Taldeak apirilaren 28an. Lasterketaren hamabigarren edizioa izango da eta izena emateko epea zabalik dago.
Galdakaoko eta inguruko herrietako ehundaka kirolari batuko ditu berriz Galdakao Atletismo Taldeak Herri Krosean. Apirilaren 28an izango da lasterketa eta hamabigarren edizioa izango da aurtengoa.
Urreta kiroldegiaren inguruan izango da lasterketa eta izena emateko epea zabalik dago Galdakao Atletismo Taldearen webgunean apirilaren 25era arte. Halaber, probaren egunean bertan eman ahal izango da izena antolakuntzaren standean, prezio hauetan:
- Izen emate orokorra (apirilaren 25a baino lehen): 10 €
- Aurretiko izen ematea 14 urtetik beherakoentzat (2010etik aurrera jaioak) eta kategoria paralinpikoa: doakoa
- Izen emate orokorra probaren egunean bertan: 15 euro
- Izen ematea 14 urtetik beherakoentzat (2010etik aurrera jaioak) eta kategoria paralinpikokoa probaren egun berean: 5 euro
Galdakaoko Herri Krosean federatuta dauden korrikalariak zein federatu gabekoek parte hartu dezakete eta kategoriak eta distantziak honako hauek izango dira:
- Benjaminak (2014 eta 2015 urteetan jaioak) Irteera ordua: 11:00. Distantzia: 600 metro. Itzuli bat A zirkuituari.
- Kimuak (2012 eta 2013 urteetan jaioak) Irteera ordua: 11:15. Distantzia: 1.000 metro. Itzuli bat B zirkuituari.
- Haurrak eta Kadeteak (2009, 2010 eta 2011an jaioak) Irteera ordua: 11:30. Distantzia: 2.000 metro. Bi itzuli B zirkuituari.
- Paralinpiar kategoria Irteera ordua: 11:45. 1. Kategoria egokitua (distantzia: 1.000 metro. Itzuli bat B zirkuituari). 2. Kirol trebetasunak (distantzia: 2.000 metro. Bi itzuli B zirkuituari).
- Gazteak (2006 eta 2007urteetan jaioak), Juniorrak (2004 eta 2005 urteetan jaioak), Seniorrak (34 urtera arte) eta Beteranoak (35 urte edo gehiago). Irteera ordua: 12:00. Distantzia Gazteak-Juniorrak: 3.854 metro. Bi itzuli C zirkuituari. Distantzia Seniorrak-Beteranoak: 7.708 metro. Lau itzuli C zirkuituari.
Sariei dagokienez, senior kategoriako irabazleei (lehen gizonezkoa eta lehen emakumezkoa) garaikur bat eta txapel bat emango zaizkio, bai eta gizonezkoen eta emakumezkoen kategoria absolutuko lehen hiru sailkatuentzako diruzko sariak ere: 150 euro (1. mailakoa), 90 euro (2. mailakoa) eta 60 euro (3. mailakoa).
Kategoria absolutuan sailkatzen den herriko lehen gizonezko eta lehen emakumezkoarentzat ere saria egongo da, eta baita garaikurrak lehenengo hirurentzat kategoria eta sexu bakoitzean. Dortsala jasotzean, partehartzaile guztiei probaren oroitzapenezko kamiseta bat oparituko zaie, eta poltsa bat emango zaio parte-hartzaile bakoitzari helmugara iritsi bezain laster, elikagaiekin eta freskagarriekin.
Gainera, sarien zozketa egingo da proba amaitzean eta parte hartuko duten kirolariek Urretako kiroldegiko aldagelak erabili ahal izango dituzte.
