Ganguren Mendi Taldeak BBK Mendi Martxa antolatuko du domekan
TESTUA: Irati Alonso García
ARGAZKIA: B. Montaña
Domekan, ekainak 23, irteera antolatuko du Ganguren Mendi Taldeak BBK Mendi Martxa ekimenaren baitan. Guztira 14,7 kilometro egingo dituzte eta Padrola, Kukuzburu eta Ganguren igaroko dituzte ibilbide zirkularrean.
Ganguren Mendi Taldeak irteera berri bat antolatuko du domekan, ekainak 23, kasu honetan BBK Mendi Martxak 24-Bizkaiko VII. Xendazaletasun liga ekimenaren baitan. Ganguren Mendi Taldearen egoitzatik abiatuko dira 9:00etan eta guztira 14,74 kilometroko ibilbide zirkularra egingo dute.
Tartean Padrola, Kukuzburu eta Ganguren igaroko dituzte parte-hartzaileek eta 400 pertsona inguru batzea aurreikusi dute antolatzaileek.
Honezkero izena eman daiteke webgune bitartez prezio hauetan: federatuak 2 euro, ez federatuak 3 euro eta txikiak doan.
