Ganguren mendira igoera antolatuko dute irailaren 15ean

TESTUA: Irati Alonso García
ARGAZKIA: Ganguren MT

Hamargarren urtez, Ganguren mendira igoera antolatuko dute Santakurtzetan. Aurten irailaren 15ean izango da eta Ganguren Mendi Taldearen egoitzatik abiatuko dira 09:00etan. Irteeraren nondik norakoak batu ditugu albiste honetan.

Ganguren Mendi Taldeak hainbat eta hainbat irteera antolatzen ditu urtean zehar eta berezienetako bat Santakurtzetan egiten dute: Ganguren mendira igoera. Aurten irailaren 15ean izango da, taldeak ezagutzera eman duenez.

Ganguren Mendi Taldeareb egoitzatik abiatuko dira 09:00etan eta 13 kilometroko ibilbidea egingo dute guztira.

Parte hartzeko beharrezkoa izango da aurretik izena ematea eta doakoa izango da.
Ganguren MTko lokalean egin daiteke eta baita telefonoz ere 944562326 zenbakian.

Informazio gehiago eskuratu daiteke Ganguren Mendi Taldearen webgunean.