Hankapalu ikastaroa eskainiko du bihar Patakonek Galdakaon
TESTUA: Irati Alonso García
ARGAZKIA: Euskal Herria Dantzan
Patakon elkarte galdakoztarrak hankapalu ikastaroa eskainiko du bihar, ekainak 22. Saioa Eguzkibegi Ikastolan izango da 11:30ean eta hankapaluetan ibiltzen ikasi nahi duen edonorentzat dago zuzenduta.
Patakon elkarte galdakoztarraren ustez, «urte askotan leku askotan erabili dira hankapaluak jai giroari alaitasuna emateko» eta horregatik hauetan ibiltzeko ikastaroa eskainiko du bihar, ekainak 22.
«Patakon elkartean hankapaluetan ibiltzeko panpinak ditugu eta hortan lagundu nahi duenarentzat eskainiko dugu kurtso hori, baita egunen batean hankapalu batzuetara igo nahi den edozeinentzat», azaldu dute elkartetik.
Saioa 11:30ean izango da Eguzkibegi Ikastolan eta izena ematea beharrezkoa da galdakaokopatakon@yahoo.es helbidean.
