Herri kirolen desafio parte-hartzailea antolatuko du Eguzkibegi Ikastolak
TESTUA: Irati Alonso García
ARGAZKIA: Berriozar Herri Kirol Taldea
Eguzkibegi Ikastolak aurtengo Ibilaldia antolatuko du maiatzaren 25ean eta baina ekitaldia ez dute egun horretara mugatuko. Urtarrilaren 19an herri kirolen desafio parte-hartzailea martxan jarriko du Kurtzea plazan eta gaur, urtarrilak 7, da honetan izena emateko azken eguna.
Data berezia izango da aurtengo maiatzaren 25a galdakoztarrentzat, izan ere, Ibilaldia antolatuko du Eguzkibegi Ikastolak. Ekimen horri begira motorrak berotzen joateko arropa eta osagarriak kaleratu zituen Ibilaldiaren antolakuntzak 2024ko ekainaren 15ean, eta orain produktu guzti horien berri jasoko duen katalogoa kaleratu du, BINKEk jaso zuen moduan.
Herritarrak ekimenean murgiltzeko helburuz ere, beste ekintza berri bat antolatuko du Ibilaldiko antolakuntzak urtarrilarren 19an Kurtzeko plazan: herri kirolen desafio parte-hartzailea.
Erronka 11:00etan hasiko da eta bi kategoriatan izango da, gutxienez sei pertsonako talde mixtoekin: 10 eta 15 urte bitarteko gazteak eta 16 urtetik gorakoak. Lehenengo kategorian Ibilaldiko material sorta izango da saria eta bigarrenean aldiz, sei pertsonentzako afaria.
Gaur, urtarrilak 7, da erronkan izena emateko azken eguna eta webgune bitartez egin daiteke.
