Ibaizabal Saskibaloi Taldea Lehen Mailara igo da
TESTUA: Irati Alonso García
ARGAZKIA: Ibaizabal Saskibaloi Taldea
Ibaizabal Saskibaloi Talde galdakoztarreko mutilek Lehen Mailara igotzea lortu dute, pasa den zapatuan Urretan Berri-Otxoaren kontra 82-53 irabazi ostean. Hainbat zale batu ziren Galdakaoko kiroldegian eta partidaren ondoren jokalariekin batera ospatu zuten igoera.
Ibilbide luzea baina arrakastatsua egin dute aurten Ibaizabal Saskibaloi Taldeko mutilek. Ligan zehar emaitza onak lortu ostean maila igoera lortzeko aukerekin heldu dira denboraldi amaierara eta azkenean lortu dute.
Liga amaituta ez egon arren, Lehen Mailara igotzea lortu zuten pasa den zapatuan Urretan Ibaizabal Saskibaloi Taldeko mutilek. Berri-Otxoa taldeari 82-.53 irabazi zioten eta horrenbestez Bigarren Mailako txapeldun geratu dira, zuzenean Lehen Mailara igoz.
Hainbat eta hainbat zale batu ziren Galdakaoko kiroldegian eta jokalariekin batera ospatu zuten igoera partidaren ostean.
Bestalde, Ibaizabal Saskibaloi Taldeko neskek ligako lehen postua lortu dute aurten pasa den zapatuan ere San Inazio 65 – 72 garaitu ondoren. Honi esker LF2 ligara igotzeko fasea jokatuko dute maitzaren 25etik 28ra.
«Asteburu biribila bizi dugu», adierazi zuten klub galdakoztarretik.
