Ibon Hernando galdakoztarraren ‘Escrito por Ib’, gidoi onenaren saria Puebla Film jaialdian
TESTUA: Irati Alonso García
ARGAZKIA: Ibon Hernandoren sare sozialetatik
Ekainaren 26tik 29ra Puebla Film jaialdiaren bigarren edizioa antolatu zen Madrilen eta honetan, besteak beste, Ibon Hernando galdakoztarraren ‘Escrito por Ib’ film laburra saritu zuten. Lanak gidoi onenaren saria irabazi zuen.
Madrileko Puebla de la Sierra herriak Puebla Film jaialdiaren bigarren edizioa hartu zuen ekainaren 26tik 29ra. Ekimenaren helburua kultura zinematografikoa eta landa-kultura sustatzea da eta ildo honetan bederatzi sari banatu dituzte aurten.
Gidoi onena izen zen aurten banatutako sarietako bat eta hau Ibon Hernando galdakoztarraren ‘Escrito por Ib’ lanarentzat izan zen.
‘Escrito por Ib’ komedia dramatiko autobiografikoa da, «proposamen original eta pertsonala, meta-zinematografikoa, errentagarria ez den zinemarako pasioaren edo laneko segurtasunaren eta segurtasun ekonomikoaren artean dauden film laburren egileentzat isla dena».
