Inauterietako jaia antolatuko du Zizpak otsailaren 10ean
TESTUA: Irati Alonso García
ARGAZKIA: Peio Zamalloa
Otsailarekin batera mozorroak ateratzeko ordua helduko da eta urtero moduan Zizpa Gazte Konpartsak jai berezia egingo du Galdakaon inauteriak ospatzeko. Hilaren 10ean izango da Kurtzeko plazan jarriko den karpan eta playback txapelketa eta mikro irekia antolatuko dituzte, besteak beste.
Kolore eta jai giroa helduko dira Galdakaora hurrengo asteburuan inauteriekin batera. Zizpa Gazte Konpartsak hauek ospatzeko ekitaldi berezia antolatu du aurten ere, kasu honetan otsailaren 10ean. Mozorroak erakusteko, afaltzeko eta musikaz gozatzeko tartea izango da udaletxeko plazan.
Arratsaldeko 17:00etan hasiko da jaia, gazte eta helduen playback txapelketarekin. Izena momentuan eman daiteke eta aurretik egiteko aukera dago ere, zizpagaztekonpartsa@gmail.com helbidera idatziz.
Iluntzean aldiz, 21:30ean, herri-afaria antolatuko dute eta honetan parte hartzeko tiketak erosi behar dira Herriko Bentan, Zurruten edo Oñarten. Elikadura behar izanik izatekotan mezua emailez bidaltzeko eskatu du Zizpak.
Azkenik, 22:30ean afaria eta gero mikro irekia antolatuko Zizpa Gazte Konpartsak beste urte batez eta ostean mahaiak guztiok batera batzeko deia egin dute taldetik. Mikro irekian parte hartzeko aurretik izena ematea beharrezkoa da eta email helbidera mezu bat bidaliz ere egin behar da.
