Jon Maia, Chica Sobresalto eta Altsasu gehitu dira maiatzeko egitaraura
Kultura
BINKE / 2022ko apirila
Jon Maia, Chica Sobresalto eta Altsasu gehitu dira maiatzeko egitaraura
TESTUA: Naia Bergaretxe Sarria
ARGAZKIAK: Artisten sareetatik
Torrezabal Kultur Etxeak urtarrilean maiatzera arteko egitaraua aurkeztu bazuen ere, ekitaldi pare bat gehitu ditu datorren hilabeterako, eta atzeratutako Altsasu ikuskizuna berreskuratu du.
Urtearen hasieran maiatzera arteko egitaraua aurkeztu zuen arren, Torrezabal Kultur Etxeak Kultura Arloko ekitaldien eskaintza «aberastu» nahi izan du pare bat emanaldi berri gehituz eta atzeratu behar izandako beste bat berreskuratuz.
Hortaz, aurretik antolatuta zegoen egitarauari Jon Maiaren «Kantu Bat Gara» kontzertua eta Chica Sobresaltoren «Bailando Raro» kontzertua gehituko zaizkie. Gainera, urtarrilean egitekoa zen baina atzeratu behar izan zen «Altsasu» ikuskizuna ere eskainiko dute.
Ondoko zerrenda honetan batu ditu Binkek maiatzean eskainiko diren ikuskizun guztiak:
- Maiatzak 5, eguena, 20:00. «Kantu Bat Gara» kontzertua, Jon Maia.
- Maiatzak 6, barikua, 20:00. «La Tarara» antzezlana.
- Maiatzak 14, zapatua, 18:00. Perez Sagutxoa antzezlana.
- Maiatzak 15, domeka, 19:00. Altsasu ikuskizuna.
- Maiatzak 27, barikua, 20:00. LOF «Ladies On Fight» emankizuna.
- Maiatzak 27, barikua, 20:00. «Album» obra, Formol Laborategia.
- Maiatzak 28, zapatua, 20:00. «Bailando Raro» kontzertua, Chica Sobresalto.
Emanaldi hauetarako sarrerak gaur bertan jarriko dira salgai. Altsasuko ikuskizunaren kasuan, aurretik erositako sarrerak orain ere balio dute, baina behar izatekotan, Torrezabal Kultur Etxeko leihatilan bueltatu daitezke.
