Julen Carrasco usansolotarrak Bizkaiko Kluben Arteko Pilota Txapelketa irabazi du
TESTUA: Irati Alonso García
ARGAZKIA: Bizkaiko Eusko Pilota Federakuntza
Domekan, urtarrilak 13, Bizkaiko Kluben Arteko Txapelketa lehiatu zen Bermeon eta Julen Carrasco usansolotarrak irabazi zuen kadete 3. mailan. Bidebideta Pilota Klubeko pilotariak Gaizka Zuazo garaitu zuen finalean.
Bermeoko frontoiak Bizkaiko Kluben Arteko Txapelketa hartu zuen domekan, urtarrilak 13. Hitzorduan dozenaka pilotarik parte hartu zuen, Bizkaiko Eusko Pilota Federakuntzak ezarritako maila ezberdinetan.
Parte-hartzaileen artean Julen Carrasco usansolotarra izan zen eta Bidebieta Pilota Klubeko jokalariak kadete 3. mailan garaipena lortu zuen.
Basautiko taldearen parte den pilotariak Getxo klubeko Gaizka Zuazo irabazi zuen finalean.
