Kirol-argazkilaritza tailerra eskainiko dute Galdakaon
TESTUA: Irati Alonso García
ARGAZKIA: C. B.
Click&Click elkarteak eta Moran Racingek kirol-argazkilaritza uztartuko duen tailerra antolatu dute Galdakaon. Otsailaren 17an Torrezabalen eta 18an Zuhatzuko skateparkean egingo da eta dagoeneko izena emateko epea zabalik dago.
Kirol arloan ateratzen diren argazkien inguruko gakoak emateko helburuz, tailerra antolatu dute Click&Click elkarteak eta Moran Racingek Galdakaoko Udalaren laguntzarekin. Otsailaren 17an eta 18an egingo da Unai Moranen eskutik eta jada izena eman daiteke.
Hilaren 17an 18:00etatik 20:00etara izango da saioa Torrezabalen eta teoria uztartuko da. Bigarren egunean ordea praktikak egingo dira Zuhatzuko skateparkean 10:00etatik 13:00etara. Kamerak, enfokeak, memoria txartelak, kameraren konfigurazioa eta obturazioa landuko dira, besteak beste.
Izena emateko epea zabalik dago jada eta 15 euroko prezioa du bazkideentzat eta 35 eurokoa gainontzekoentzat. Parte-hartzeko bizum bat egin behar da zenbaki honetara: 685773403.
Antolatzaileek ezagutzera eman dutenez, hamazortzi pertsonek parte hartu ahal izango dute gehienez. «Animatu zaitezte!», adierazi dute Click&Clicketik.
