Kirol ikastaroetan izena eman daiteke irailaren 18ra arte
TESTUA: Naia Bergaretxe Sarria
ARGAZKIA: Galdakaoko Udala
Ikasturte berrian Urretako eta Unkinako kiroldegietan eskainiko diren kirol ikastaroetan izena emateko epea zabalik dago gaurtik irailaren 18ra arte. Hemen prozesua, eskaintza, ordutegiak eta prezioak.
Gaurtik aurrera hurrengo domekara arte, irailak 18, Urretako eta Unkinako kiroldegiek eskaintzen dituzten kirol ikastaroetan izena emateko epea zabaldu du Galdakaoko Udalak. Aurre-inskripzioa presentzialki zein online egin ahalko da; presentzialki bi kiroldegietako harreretan, eta online Udalaren webgunean «Udal kiroldegien kudeaketak» atalean sartuta.
Aurre-inskripzio kopuruak eskainitako plaza kopurua gainditzen badu, zozketa egingo da. Zozketa hori irailaren 19an Urretako kiroldegian 10:00etan egitea aurreikusten da plazak esleitzeko, eta izen-emate guztiek izango dituzte aukera berdinak, hau da, «berdintasunaren printzipioa» jarraituz, epearen barruan jasotako izen guztiak batera hartuko dira kontutan. Plazak horrela banatuko dira:
- Diziplina bakoitzean dagoen plaza kopuruaren arabera
- Ondorengo lehentasun printzipioa jarraituko da:
- Galdakaoko udal kiroldegietan abonatutako pertsonak
- Galdakaoko udal kiroldegietan abonatuta ez dauden pertsonak
Irailaren 20an plaza definitiboak ezagutuko dituzte eskatzaileek, eta hurrengo egunetan egin beharko dute ordainketa. Helbideratzea erabakitzen dutenek hiru egun izango dituzte— irailaren 23ra arte—, leihatilan ordainduko dutenek berriz, bost egun —irailaren 25era arte—.
Hauek dira udal kiroldegietan eskainiko diren ikastaroak:
- Kardiotonua
- Tonifikazioa
- Aerobika
- GAP
- Mantentzeko gimnasia
- Pertsona nagusien gimnasia
- Spin-bike
- Pilatesa
- Hipopilatesa
- Yoga
- Eskalada —talde bat 7 eta 14 urte bitartekoentzat eta beste bat 14 urtetik gorakoentzat—
- Gimnasia erritmikoa —talde bat 4 eta 6 urte bitartekoentzat eta beste bat 7 eta 14 urte bitartekoentzat—
- Haurrentzako igeriketa hilabete edo hiru hilabete —ohitzea, hastapena eta hobekuntza taldeak—
- Igerijaia
- Helduentzako igeriketa —17 urtetik gorakoak—
- Aquagym
- Igeriketa egokitua
Ikasturte berri honetan Unkinako kiroldegiko ordutegia ekainera arte zabalduko da, eta domeka eta jaiegunetan 09:00etatik 20:00etara egongo da zabalik. Partidarik aurreikusten ez bada beraz, bai kantxa zein igerilekua erabilgarri egongo dira.
Kiroldegi bakoitzean eskaintzen diren ikastaroak, ordutegiak eta prezioak ezagutzeko egin klik hemen.
