Korrikaren arropa erosteko aukera izango da Galdakaon
TESTUA: Irati Alonso García
ARGAZKIA: Hego Uribeko AEK
Korrikaren 23. edizioa 2024ko martxoaren 14tik 24ra antolatuko du AEK-k Irundik Baionara eta erosi daiteke honezkero euskararen aldeko ekimenaren arropa. Galdakaon ere izango da eskuragai abenduaren 21etik 23ra, Kurtzeko frontoiko lokalean.
Pasa den azaroaren 16an aurkeztu zuen AEK-k Korrikaren 23. edizioa. Hurrengo urteko martxoaren 14tik 24ra antolatuko da eta Irunen hasi eta Euskal Herriko hainbat txokotatik igaroko da Baionan amaituz.
Urtero moduan, aurten ere 23. edizioko arropa saltzen ari dira eta Galdakaon ere izango da erosteko aukera.
Zehazki, abenduaren 21etik 23ra eskuratu ahal izango da Kurtzeko frontoiaren lokalean, Hego Uribeko AEK-tik jakinarazi dutenez.
