Leire Garaik irabazi zuen Usansoloko lau eta erdiko final zortzirenetako lehen kanporaketa
TESTUA: Jon Gomez Garai
ARGAZKIAK: Emakume Master Cup
Zapatuan Unkina pilotalekuan jokatu zen Lau eta erdiko Master Laboral Kutxa txapelketako final zortzirenetako lehen kanporaketa, sei norgehiagoketan banatuta. Elite kategorian Leire Garai 22-5 gailendu zitzaion Olatz Beitiari. Hemen batu ditugu amaierako argazkiak eta emaitza guztiak.
Lau eta erdiko Master Laboral Kutxa txapelketa abiadura hartzen hasi da iragan asteburuan, final zortzirenetako lehen kanporaketak Usansolon eta Okondon jokatuta. Okondon Nora Mendizabal andoaindarrak irabazi zuen kanporaketa, Leire Galeanori 22-12 gailendu ostean.
Gurera etorrita, Usansolon Leire Garai gasteiztarrak irabazi zuen zapatu arratsaldeko seigarren eta azken partida, Elite kategoriakoa, Olatz Beitiari 22-5 aise irabazita —albisteko argazki nagusian Garai gorriz jantzita eta Beitia urdinez—.
Hauek izan ziren, eskuz banaka lau eta erdikoan pilota goxu gazteetan hasita, Unkina pilotalekuan azaroaren 5ean 16:00etatik aurrera jokatu ziren partidetako emaitzak eta amaierako argazkiak:
Usansolon, Lau eta erdiko Master Laboral Kutxa final zortzirenen lehen kanporaketa
Lehenengo partida, eskuz banaka 4 ½ koa pilota goxua gazteak
Jaione Elorza 9
Uxue Lopez de Okariz 18
Bigarren partida, eskuz banaka 4 ½ koa pilota goxua gazteak Alaia Ruiz de Infante 18 Izar Etxezarreta 15
Hirugarren partida, eskuz banaka 4 ½ pilota goxua gazteak Ana Petri 18 Maitane Agillo 6
Laugarren partida, eskuz banaka 4 ½ pilota goxua gazteak Maria Crespo 13 Onintza Galdos 18
Lehenengo triangularra, eskuz banaka 4 ½ pilota goxua senior Amaia Zarrabeitia 12 Ainhoa Zabaleta 3 Ainhoa Zabaleta 4 Maria Eskudero 12 Amaia Zarrabeitia 8 Maria Eskudero 12
Bosgarren partida, eskuz banaka 4 ½ pilota mistoa gazteak Enara Anitua 18 Natale Aranburu 11
Seigarren partida, eskuz banaka 4 ½ pilota mistoa elite Leire Garai 22 Olatz Beitia 5
