‘Mag Lari live’ magia ikuskizuna hartuko du zapatuan Torrezabalek
TESTUA: Irati Alonso García
ARGAZKIA: Mag Lari konpainia
Zapatuan, abenduak 30, ‘Mag Lari live’ magia emanaldia ikusteko aukera izango da Galdakaon. Mag Lari konpainiak ilusioa piztuko du Torrezabal Kultur Etxean 19:00etan.
Gabonak dituzten ilusio eta sentimendu berezi hori jarraituz, magiarekin esango dio agur urteari Torrezabal Kultur Etxeak. Zapatuan, abenduak 30, ‘Mag Lari live’ ikuskizuna hartuko du Galdakaoko aretoak, 19:00etan.
Mag Lari konpainiak eskainiko du emanaldia eta «ilusioa eta barrea» ekarriko ditu Torrezabalera. «Lariren komunikazio gaitasun handiak eta mago showmanaren alderdiak bat egiten dute estetika txukun eta distiratsuarekin, magia desberdina eta ikusgarria lortuz», adierazi dute Udaletik.
Sarrerak salgai daude 6 eta 10 euro arteko prezioan Torrezabalen eta webgunean.
