Maximo Moreno abesbatzak Gabonak ospatzeko bideoklipa argitaratu du
TESTUA: Irati Alonso García
ARGAZKIA: Maximo Moreno abesbatza
Musikak leku berezia du Gabonetan, Olentzero, Mari Domingi eta Errege Magoei zuzendutako kantak abesten dituztela egun hauetan txiki eta nagusiek. Maximo Moreno abesbatza ospakizunetara batu da, ‘Haur eder baten bila’ kantaren bideoklipa argitaratu duela.
Hainbat ekintza antolatu dira egun hauetako giro berezia ospatzeko eta hauetara batu da Maximo Moreno Musika Eskolako abesbatza, bideoklip berezia argitaratu duela. Taldeko kideek ‘Haur eder baten bila’ abestia kantatu dute eta horretarako Gabonetako jantzi tradizionalak erabili dituzte.
Maximo Moreno abesbatzak kaleratutako bideoan Galdakaoko hainbat txoko ikusi daitezke, besteak beste, dendak, kaleak eta eliza.
Honen bitartez, taldeak «gabon zoriontsuak» opa dizkie Galdakaoko herritar guztiei. Horrela, musika lagun duela, egun hauetako giroaz gozatzera animatzen du Maximo Moreno abesbatzak.
